Երկրաշարժից վնասվել է ՅՈւՆԵՍԿՕ-ի Համաշխարհային ժառանգության օբյեկտը՝ Հալեպի ամրոցը

ՅՈւՆԵՍԿՕ-ի Համաշխարհային ժառանգության օբյեկտը՝ Հալեպի ամրոցը, վնասվել է երկրաշարժից:

Այս մասին ասել է Սիրիայի թանգարանների եւ տեսարժան վայրերի վարչության գլխավոր տնօրեն Համամ Սաադը, փոխանցում է ՌԻԱ Նովոստի-ն:

«Մենք տեղեկություններ ենք ստացել Հալեպի ամրոցի ճեղքերի մասին եւ մասնագետների խումբ ենք ուղարկել՝ տեղի զննման եւ վնասը գնահատելու համար»,- ասել է Սաադը։

Հիշեցնենք, որ 7,4 մագնիտուդով երկրաշարժ է տեղի ունեցել Թուրքիայի Կահրամանմարաշ նահանգում, ժամը 04.17-ին, ավերածություններ են տեղի ունեցել մի շարք քաղաքներում։

Տեղեկացվել է նաեւ Սիրիայի մի քանի շրջաններում տեղի ունեցած ավերածությունների մասին, երկրաշարժը զգացվել է Լիբանանի մայրաքաղաք Բեյրութում։