Ֆրանսիայի նախագահ Էմանուել Մակրոնը կոչ է արել խաղաղության կոնֆերանս անցկացնել Ուկրաինայում՝ արդար խաղաղության հասնելու համար։
«Մենք ցանկանում ենք միասին խաղաղություն կառուցել: Խաղաղություն, որը արդարություն կապահովի Ուկրաինայի, նրա ժողովրդի համար: Խաղաղություն, որը կծառայի մեր ընդհանուր ցանկությանը՝ հանուն միասնական և համերաշխ Եվրոպայի: Խաղաղություն, որը կստեղծի կայունության և անվտանգության տարածք բոլորի համար»,- ասել է Մակրոնը Փարիզում Ուկրաինայի նախագահ Վլադիմիր Զելենսկու և Գերմանիայի կանցլեր Օլաֆ Շոլցի հետ եռակողմ հանդիպման մեկնարկից առաջ։
Նրա խոսքով, Զելենսկու՝ 10 կետից բաղկացած ծրագիրը խաղաղության հասնելու համար պետք է «ամուր հիմք հանդիսանա խաղաղության համաժողովի ճանապարհին»։
Մակրոնը մատնանշել է նման ֆորումի կազմակերպմանը գործընկերների հնարավորինս լայն մասնակցության անհրաժեշտությունը։
«Այս պատերազմում, որը ծավալվել է Փարիզից մի քանի հազար կիլոմետր հեռավորության վրա, մենք պետք է պաշտպանենք մի քանի պարզ և կենսական գաղափարներ: Ուկրաինան կարող է հույս դնել Ֆրանսիայի, եվրոպացի գործընկերների և նրանց դաշնակիցների վրա, որոնք կհաղթեն պատերազմում: Ռուսաստանը չի կարող և չպետք է հաղթի», – ասել է նա։
01:17
Օգոստոս 10, 2026
