Հռոմի պապ Ֆրանցիսկոսն արգելափակվել է Վատիկանի իր նստավայրի վերելակում, ինչի պատճառով ուշացել է Սուրբ Պետրոսի հրապարակում իր ամենշաբաթյա ուղերձից, հաղորդում է CNN-ը:
Ութսուներկուամյա պապը ներողություն է խնդրել հրապարակում հավաքվածներից և պարզաբանել իր ուշացման պատճառը:
«Սիրելի եղբայրեր և քույրեր, բարի լույս: Նախևառաջ պետք է ներողություն խնդրեմ ուշանալուս համար, սակայն ինձ մոտ չնախատեսված հանգամանքներ առաջացան. Ես 25 րոպե արգելափակված էի վերելակում»,- պարզաբանել է Ֆրանցիսկոսը:
Կաթոլիկների առաջնորդի խոսքով՝ վերելանի աշխատանքի խափանման պատճառը հոսանքի անջատում է եղել: Փրկարարները 25 րոպե չարչարվելուց հետո կարողացել են նորոգել այն և դուրս բերել Հռոմի պապին: Վերջինս իր խոսքում շնորհակալություն է հայտնել փրկարարներին:
