ՀՀ վարչապետ Նիկոլ Փաշինյանը կարևորել է սուբվենցիոն ծրագրերով վերանորոգված մշակույթի տներում մշակութային միջոցառումների անցկացումը։ Նրա խոսքով՝ պետք է պարտավորություն դնել, որ տարեկան որոշակի թվով թատերական ներկայացումներ բեմադրվեն.
«Ընդ որում, պրոֆեսիոնալ թատերական խմբերի, որպեսզի մշակույթը գնա, հասնի մարզային բնակավայրեր»։
Նիկոլ Փաշինյանը նաև նշեց, որ դպրոցականների աբոնենտային ծրագիր կա. «Համայնքը թող առաջարկի, բայց մենք էլ կարող ենք առաջարկներ ներկայացնել»։
Վարչապետը նաև հանձնարարեց աուդիտ անցկացնել՝ պարզելու, թե որքանով են մշակույթի տները ծանրաբեռնված.
«Եթե բան տեղի չի ունենում, պատշաճ ձևով ու չափով ծանրաբեռնված չեն մշակույթի տները, ապա ԿԳՄՍ և ՏԿԵ նախարարությունների համագործակցությամբ պետք է բովանդակությամբ լցնել»։
