«Իրազեկ քաղաքացիների միավորում» հասարակական կազմակերպության ղեկավար Դանիել Իոաննիսյանը ֆեյսբուքյան իր էջում գրում է․
Ոնց հասկանում եմ, ՍԴ-ն, պարզապես, ասել է, որ այո, գործառույթային անձեռնամխելիություն կա (որևէ մեկը հակառակը չէր պնդում) և այն պետք է լինի նաև Քրեական դատավարության օրենսգրքի 35-րդ հոդվածում:
Բայց ՍԴ-ն չի ասել, թե ի՞նչն է ընկնում գործառույթային անձեռնամխելիության տակ և ի՞նչ է գործառույթային անձեռնամխելիությունը:
Ըստ այդմ, Քոչարյանի գործով, առայժմ, ոչինչ չի փոխում և իր կալանքի ու գործառույթային անձեռնամխելիության համադրության մասով նախորդ տարի Վճռաբեկ դատարանի որդեգրած մոտեցումը ուժի մեջ է:
Բայց, ակամայից, շուտով (դատական տարբեր ատյաններում) կսկսեն քննարկումներն առ այն, թե որքանո՞վ է կաշառք ստանալը կամ սահմանադրական կարգ տապալելը կապված նախագահի գործառույթների հետ և, ըստ այդմ, որքանո՞վ է դրանց վրա տարածվում գործառույթային անձեռնամխելիությունը:
Հ.Գ. Փաստորեն, Ռոբերտ Քոչարյանի բողոքով Սահմանադրական դատարանը հակասահմանադրական է ճանաչել 1998 թվականին Ռոբերտ Քոչարյանի կողմից ստորագրված օրենսգրքի մի դրույթ:)
