Իջևանի քաղաքապետ Վարդան Ղալումյանը հրաժարականի դիմում է ներկայացրել Տավուշի մարզպետ Հայկ Չոբանյանին: Այս տեղեկությունը ՀԺ-ի զրույցում հաստատեց Տավուշի մարզպետը՝ ասելով, որ պատճառները իրեն դեռ հայտնի չեն, Ղալումյանը դիմումի մեջ չի գրել։
Հարցին՝ հնարավո՞ր է հրաժարականը կապ ունի վերջին շրջանում ծավալվող իրադարձությունների, անտառահատումների ու բողոքի ակցիաների հետ, Չոբանյանը պատասխանեց, որ ոչինչ չի բացառվում։ «Հրաժարականի պատճառների մասին կտեղեկանամ քաղաքապետի հետ հանդիպումից հետո», – ասաց մարզպետը:
Քննչական կոմիտեն Իջևան համայնքի ղեկավարին մեղադրանք է առաջադրել ՀՀ քրեական օրենսգրքի 308-րդ հոդվածի 1-ին մասով: Նրա նկատմամբ որպես խափանման միջոց է ընտրվել ստորագրություն չհեռանալու մասին:
