ՀՀ ԱԺ «Քաղաքացիական պայմանագիր» խմբակցության պատգամավոր Դավիթ Դանիելյանը անդրադարձել է Արցախ-Հայաստան սահմանագծին գտնվող Հակարիի կամուրջի մոտ ադրբեջանական կողմից անցակետ տեղադրելուն։
Պատգամավորը շեշտել է՝ Ադրբեջանը հերթական անգամ խախտել է 2020 թվականի եռակողմ հայտարարության դրույթները, և փակել Արցախ-Հայաստան սահմանագծին գտնվող Հակարիի կամուրջը, որը գտնվում է ՌԴ խաղաղապահ զորակազմի պատասխանատվության տիրույթում:
«Ադրբեջանի կողմից Եռակողմ հայտարարության 6-րդ կետի խախտումը Լաչինի միջանցքը (5 կմ լայնությամբ), որն ապահովելու է Լեռնային Ղարաբաղի կապը Հայաստանի հետ և միաժամանակ շրջանցելու է Շուշի քաղաքը, մնում է Ռուսաստանի Դաշնության խաղաղապահ զորակազմի վերահսկողության ներքո:
Արցախի և Հայաստանի միջև անարգել երթևեկության սահմանափակումը միտված է Արցախի հայաթափմանը»,- գրել է Դանիելյանը:
