Եղիշե Կիրակոսյանը կգործուղվի Ստրասբուրգ

Միջազգային իրավական հարցերով ներկայացուցիչ Եղիշե Կիրակոսյանն իր գրասենյակի մի խումբ պաշտոնյաների հետ կգործուղվի Ֆրանսիա. այս մասին տեղեկանում ենք e-gov.am կայքում ՀՀ վարչապետի որոշումից։

Նրանք մայիսի 10-14-ը Ստրասբուրգում Եվրոպայի խորհրդի «Աջակցություն Հայաստանում Մարդու իրավունքների եվրոպական դատարանի վճիռների արդյունավետ կատարմանը» ծրագրի շրջանակում կմասնակցեն «Վճիռների կատարման ինստիտուցիոնալ մակարդակի ամրապնդում» խորագրով կլոր սեղան քննարկմանը։

Նախատեսված են նաև Եվրոպայի խորհրդի տարբեր մարմինների ղեկավարների հետ երկկողմ հանդիպումներ։