Զելենսկին մերժել է Վատիկանի միջնորդական ջանքերը

Ուկրաինայի նախագահ Վլադիմիր Զելենսկին, մեկնաբանելով ռուս-ուկրաինական հակամարտության կարգավորման վերաբերյալ Վատիկանի նախաձեռնությունները, ասել է, որ իր երկիրը միջնորդների կարիք չունի։ Այս մասին գրում է ՏԱՍՍ-ը:

«Նորին Սրբության հանդեպ ամբողջ հարգանքով՝ մեզ միջնորդներ պետք չեն, մեզ արդար խաղաղություն է պետք»,- ասել է նա RAI պետական հեռուստատեսության եթերում հայտնի հեռուստահաղորդավար Բրունո Վեսպայի մասնակցությամբ հաղորդման եթերում։ 

Վեսպայի այն հարցին, թե պատրաստ կլինի արդյոք անհրաժեշտության դեպքում խոսել ՌԴ նախագահ Վլադիմիր Պուտինի հետ, Զելենսկին հայտարարել է, որ Ռուսաստանի ղեկավարի հետ «խոսելու ոչինչ չկա»:

«Հռոմի Պապին, ինչպես նաև մյուս առաջնորդներին հրավիրում ենք աշխատել հանուն արդար աշխարհի, բայց նախ մենք պետք է անենք մնացածը»,- հավելել է Զելենսկին՝ ընդգծելով, որ այժմ իմաստ չունի փորձել Ռուսաստանին երկխոսության բերել։

Հիշեցնենք, որ Հռոմի պապ Ֆրանցիսկոսը և Վատիկանի բարձրաստիճան ներկայացուցիչները բազմիցս ասել են, որ պատրաստ են միջնորդական դեր ունենալ ուկրաինական կարգավորման հարցում։