ԱԺ-ն քննարկում է վճռաբեկ դատարանի դատավորի թեկնածուների ընտրության հարցը։ ԲԴԽ-ն այս պաշտոնում ներկայացրել է Արմեն Դանիելյանին։
ԱԺ ՔՊ խմբակցության պատգամավոր Արսեն Թորոսյանը ԲԴԽ նախագահի պաշտոնակատար Վիգեն Քոչարյանին հարցրել է, թե ինչու է ինքը ներկայացնում թեկնածուներին, այլ ոչ՝ ԲԴԽ նախագահը, ինչպես գրված է օրենքում. «Ուզում եմ հասկանալ՝ ինչո՞ւ չի պարոն Անդրեասյանը ներկայացնում այս կարևոր հարցը»։
Քոչարյանը հայտնեց, որ ԲԴԽ նախագահ Կարեն Անդրեասյանը գործուղման մեջ է, երկրում չէ, ուստի ինքն է ԲԴԽ նախագահի պարտականությունները ժամանակավորապես կատարում և ներկայացնում հարցը։
«Սա առիթ է ասել, որ գործուղումները հնարավորինս չհամընկնեն նման կարևոր հարցերի զեկուցման հետ, որովհետև կարևոր է, որ օրենքով սահմանված կարգով հենց ԲԴԽ նախագահը ներկայացնի հարցը»,- ասաց Արսեն Թորոսյանը։
