«Շատ արտառոց դեպք է։ Այսօր տեղեկություն կարող եմ ներկայացնել, որովհետև այդ գործով ԱԱԾ-ն իրականացրել է առաջին ձերբակալությունը։ Այդ մեկ տոննա կոկաինի հասցեատերը բանանի ներկրմամբ զբաղվող հայտնի ընկերությունն է, որի սեփականատերը հետախուզման մեջ գտնվող ԱԺ նախկին ՀՀԿ-ական պատգամավոր է», – ԱԺ-կառավարություն հարցուպատասխանի ժամանակ հայտարարել է վարչապետ Նիկոլ Փաշինյանը՝ հավելելով, որ չի կարող որևէ մեկի անմեղության կանխավարկածը խախտել։

Վարչապետի խոսքով՝ թմրամիջոցների ապօրինի շրջանառությունը ողջ աշխարհում է շատ մեծ ծավալների հասել․ «Քրեական օրենսգիրքը սահմանում է «հանցավոր խումբ» հասկացությունը, բայց չի նախատեսում կուսակցական պատկանելություն»։