ԼՂՀ ԳԽ նախկին պատգամավոր, հրապարակախոս Վահրամ Աթանեսյանը «Ֆեյսբուքի» իր էջում գրել է.
«Մի անգամ ասել եմ, կրկնեմ․ Նախիջևանի հետ սահմանը դելիմիտացված է Մոսկվայի ռուս-թուրքական և Կարսի պայմանագրերին կից հավելվածներով։
Դելիմիտացիան կատարվել է ըստ ցարական Ռուսաստանի Գլխավոր շտաբի քարտեզների։ Այնտեղ «Նախկրայ»-ի ենթակայության Ջաֆառլու կամ Քյարքի, կամ Ջաֆառլու-Գուննուտ կա՞։ Չկա։
Ուրեմն Արարատի մարզում ադրբեջանական անկլավ չկա։ Նախիջևանի հետ սահմանի նոր դելիմիտացիա և դեմարկացիա չպետք է լինի։ Եթե Մոսկվայի և Կարսի պայմանագրերը չեն գործում, ապա ո՞րն է Նախիջևանի նկատմամբ Բաքվի իրավազորության հիմքը»։
