01:04 May 15, 20242023-05-24
150 բուժքույրերի հանձնվել են պատվոգրեր
«Առողջապահության ոլորտում որևէ ծրագիր, որևէ բարեփոխում առանց բուժքույրերի ներգրավվածության հնարավոր չէ իրականացնել»,- վերարժևորելով բուժքույրերի դերն ու կատարած աշխատանքը` առողջապահության նախարարի առաջին տեղակալ Լենա Նանուշյանը շուրջ 150 բուժքույրերի հանձնել է պատվոգրեր։
Առողջապահության նախարարի հրամանով են Հայաստանի բոլոր մարզերի ու Երևանի բժշկական հաստատությունների բուժքույրերն իրենց մասնագիտական միջազգային օրվա առթիվ արժանացել պատվոգրերի։
«Ամենօրյա հոգատար ու պրոֆեսիոնալ աշխատանքի համար շնորհակալ եմ նաև բոլոր բուժքույրերին, որոնք այսօր այստեղ չեն ու չեն պարգևատրվել։ Բոլորիդ աշխատանքի արդյունքում է հնարավոր դառնում իրականացնել մեր ծրագրերն ու ունենալ առավել ուժեղ առողջապահական համակարգ»,- նշել է փոխնախարար Լենա Նանուշյանն ու վստահեցրել՝ առողջապահության նախարարությնան ուշադրության կենտրոնում է բուժքույրերի բոլոր հիմնախնդիրները։
Առողջապահության նախարարությունում ստեղծվել է բուժքույրերի հարցերով հանձնաժողով, որը ուղիղ մասնակցություն է ունենում բուժքույրերի հետ կապված յուրաքանչյուր որոշման ընդունմանը։
Թիվ 1
Նմանատիպ Նյութեր
