Առողջապահության նախարար Անահիտ Ավանեսյանը գործադիրի նիստում տեղեկացրել է, որ կառավարությունը վերջերս որոշում է ընդունել դեղերի փորձագիտական կենտրոնը, որն ընդգրկված է դեղերի գրանցման շրջափուլում, համալրել ամբողջովին նոր սարքավորումներով։
«Լաբորատոր համակարգն արդիականացված հզորություններ կունենա։ Ընդհանուր առմամբ, դեղագործական արտադրանքի նկատմամբ վստահությունը մեր երկրում ու արտերկրում մեծապես կախված է հենց ռեգուլյատորի հնարավորություններից։ Ուստի պետությունն այս մասով էլ է ներդրումներ իրականացնում, որ ամենուր հնարավորինս բարձրացնի Հայաստանի դեղագործական արտադրանքի վարկանիշը»,- ասել է Անահիտ Ավանեսյանը։