ԱՄՆ պետդեպարտամենտի խոսնակ Մեթյու Միլլերը մեկնաբանել է Մոսկվայում անցկացված Հայաստան-Ադրբեջան բանակցություններն ու դրանց արդյունքները։ Միլլերը, մասնավորապես, հայտարարել է.

«Մենք ներկա չենք եղել, բայց սա մեզ համար շարունակում է մնալ առաջնահերթություն:

Ինչպես գիտեք, նախարարը մի քանի շաբաթ առաջ ողջունեց երկու կողմերին այստեղ՝ Վաշինգտոնում։ Դրանից հետո բանակցությունները շարունակվել են Բրյուսելում, և մենք աջակցում ենք, որ դրանք շարունակվեն։

Մենք հավատում ենք, որ համաձայնությունն ընթացքի մեջ է, և շարունակում ենք ջանքեր գործադրել, որ երկու կողմերը միասին աշխատեն՝ համաձայնության հասնելու այն հարցերի շուրջ, որոնք մնում են առկախված»: