«Ռազմաքաղաքական իրադրությունը մեր տարածաշրջանում շարունակում է մնալ լարված, ընդորում, այն կապված է ոչ միայն մեր ունեցած բարդ հարաբերությունների հետ, այլ նաև՝ գլոբալ պրոցեսների հետ, Ռուսաստանիի և Ուկրաինայի հետ տեղի ունեցող պրոցեսների հետ»,-խորհրդարանում «ՀՀ 2022 թ. պետական բյուջեի կատարման մասին» տարեկան հաշվետվության նախնական քննարկումների ժամանակ ասաց Նիկոլ Փաշինյանը:
Նա նաև հայտարարեց, որ շատ տագնապալի լուրեր են ստացվում Իրանի և Աֆղանստանի սահմանին տեղի ունեցող իրադարձություններից:
Հիշեցնելով, որ Հայաստանը որդեգրել է խաղաղության օրակարագ և ռազմավարություն՝ ՀՀ գործադիր մարմնի ղեկավարը հայտնեց, որ անում են հնարավորն այդ օրակարգը կյանքի կոչելու համար:
Անդրադառնալով Մոսկվայում կայացած Հայաստան-Ռուսաստան-Ադրբեջան բանակցային հերթական փուլին՝ Փաշինյանը տեղեկացրեց, որ քննարկման թեմաներից մեկը վերաբերում էր ԼՂ-ում ստեղծված հումանիտար իրավիճակին և Լաչինի միջանցքի ապօրինի փակմանը:
«Ես չեմ կարող ասել, որ այդ քննարկման արդյունքները գոհացնում են, պետք է արձանագրել, որ այն շատ ցավալի իրավիճակ է»,-հայտարարեց Փաշինյանը և հայտնեց, որ նաև հրապարակային ասել է, որ Լաչինի միջանցքի փակումը տեղի է ունեցել ռուս խաղաղապահների աչքի առաջ և ներկայությամբ, ինչը մտահոգիչ համարեց:
Նա նաև հայտնեց, որ Մոսկվայում քննարկվել են տարածաշրջանային կոմունիկացիաների բացման հարցը և հայկական կողմն ասել է, որ այն պետք է արվի 2020 թվականի եռակողմ հայտարարության հիման վար «Մենք ասել ենք, որ պատրաստ ենք շատ արագ բացել այդ կոմունիկացիները՝ երկրների սուվերենության և իրավազորության ներքո: Մենք այս ընդգծումն արել ենք և այժմ փորձում ենք աշխատել երկաթուղային ենթակառուցվածքների բացման վրա:
Այստեղ էլ իմ ասած սկզբուքների հիման վրա բավականին մեծ ճկունություն ենք ցուցաբերում»,-ասաց ՀՀ գործադիր մարմնի ղեկավարը և հայտարարեց, որ պատրաստ են գնալ դրան, ինչը խթան կլինի տնտեսության զարգացման համար, բայց այդ հարցի լուծումը միայն Հայկական կողմից չի կախված:
Անդրադառնալով մայիսի 28-ին բերձորում Ալիևի արած հայտարարությանը՝ Նիկոլ Փաշինյանն ասաց. «Անկեղծ ասած, առնվազն հասկանալի չեն այս առումով Ադրբեջանի նախագահի՝ երեկ արած մի շարք հայտարարություններ: Կարծում եմ, որ այստեղ և՛ Ադրբեջանը, և՛ միջազգային գործընկերները պետք է առնվազը պարզաբանեն, թե արդյո՞ք այն նշանակում է հրաժարվել Բրյուսելում ձեռք բերված պայմանավորվածություններից»:
Նա դիմեց Արարատ Միրզոյանին, որպեսզի վեչջինս գործընկերներից այն ճշտի, քանի որ Ալիևի հնչեցրած տեքսը շատ մոտ է դրան:
Փաշինյանն անդրադարձավ նաև Քիշնևում կայանալիք հնգակող հանդիպմանը և, տեղեկցնելով, որ խաղաղության պայմանագրի վերաբերյալ հայկական կողմից Ադրբեջանին ուղարկած 4 փաթեթի վերաբերյալ դեռ պատասխան չի ստացվել, հայտարարեց . «Այս պահի դրությամբ չկա համաձայնեցված նախագիծ, որը հնարավոր լիներ ստորագրել»:
