Զոհված զինծառայողի մոր՝ Գայանե Հակոբյանի փաստաբան Հովսեփ Սարգսյանը հայտարարել է, թե նախաքննական մարմինն ավարտել ու դատարան է ուղարկել ՀՀ վարչապետ Նիկոլ Փաշինյանի որդուն՝ Աշոտ Փաշինյանին առևանգելու առնչությամբ հարուցված գործը։
«Ուրբաթ օրվա դրությամբ գործը մեղադրական եզրակացությամբ ուղարկվել Է ՀՀ դատախազության համապատասխան դատավարական ղեկավարումն իրականացնող դատախազին։
Մեր ունեցած տեղեկության համաձայն՝ այսօր գործը մեղադրական եզրակացությամբ ուղարկվել է Երևան քաղաքի առաջին ատյանի ընդհանուր իրավասության քրեական դատարան»,- ասել է փաստաբանը։
Նրա խոսքով՝ նախաքննությունը տևել է բավական կարճ․ «Աննախադեպ, կարելի է ասել, նախանձելի հետևողականությամբ նախաքննությունն ավարտվել է և այլևս գործը դատարանի տիրույթում է»,- նշել է փաստաբանը։
