Իսպանիայի վարչապետ Պեդրո Սանչեսը հայտարարել է արտահերթ խորհրդարանական ընտրություններ անցկացնելու որոշման մասին: Այն ընդունվել է երեկ տեղական ընտրություններում իշխող ձախակողմյան կոալիցիայի կրած ծանր պարտությունից հետո:
«Այսօր հանդիպել եմ Նորին մեծություն թագավորի հետ (Ֆիլիպ 6-րդ) և տեղեկացրել եմ պետության ղեկավարին խորհրդարանը լուծարելու և համընդհանուր ընտրություններ նշանակելու մասին: Արտահերթ ընտրությունները տեղի կունենան հուլիսի 23-ին՝ կիրակի օրը: Որոշումն ընդունել եմ երեկվա ընտրությունների արդյունքների կապակցությամբ», – ասել է Սանչեսը:
Իսպանիայի մայր օրենքով արտահերթ ընտրությունների նշանակումը վերապահվում է վարչապետին: Արտահերթ ընտրությունների մասին պաշտոնական որոշումը կհրապարակվի վաղը՝ մայիսի 30-ին:
