Մոսկվայում անօդաչուները հարվածել են երկու բնակելի տների, տուժածներ չկան․ այս մասին հայտնում է ՌԻԱ Նովոստին։
Անօդաչու սարքերից մեկը հարվածել է Պրոֆսյուզնայա 98 հասցեում գտնվող բնակելի շենքի վերին հարկերին։ Ավերվել են տան ճակատն ու ապակեպատ հատվածը։
Երկրորդ ԱԹՍ–ն հայտնվել է Տինաոյի (Նոր Մոսկվա) Ատլասովի փողոցում գտնվող 24-հարկանի բնակելի շենքում․ «Ռադար Արմենիա» լրատվականը տեղեկացավ ռուսական աղբյուրներից։
Մոսկվայի քաղաքապետ Սոբյանինը հայտարարել է, թե այսօր վաղ առավոտյան ԱԹՍ-ի հարձակման հետևանքով մի քանի շենքեր աննշան վնասվել են
։ «Քաղաքի բոլոր արտակարգ ծառայությունները դեպքի վայրում են, պարզում են տեղի ունեցածի հանգամանքները»,– ասել է նա:
Մոսկվայի քաղաքապետը նաև խնդրել է վստահել միայն պաշտոնական աղբյուրներին և չստուգված տեղեկատվություն չտարածել:
