ԱԺ Ֆինանսավարկային և բյուջետային հարցերի մշտական հանձնաժողովի նախագահ Գևորգ Պապոյանը 2022թ. բյուջեի կատարողականի քննարկումների ժամանակ դիտողություն է արել Կադաստրի պետական կոմիտեի նախագահի տեղակալին՝ ասելով. «Ես կառաջարկեմ, որ պարոն Թովմասյանն իր գործուղումներն այնպես պլանավորի, որ գա ԱԺ ու հաշվետվություն ներկայացնի»,- ասաց նա՝ հավելելով,- «Եթե ԱԳ նախարարը, պաշտպանության նախարարը, փոխվարչապետը, ֆինանսների նախարարը, ԱԱԾ պետը, ՆԳ նախարարը, վարչապետը եկել են ԱԺ, այս անվտանգային պայմաններում Կադաստրի պետը պետք է գար ու գար»։
Նշենք, որ հանձնաժողովի նիստին կադաստրի կոմիտեի ղեկավար Սուրեն Թովմասյանը ներկա չէր. նրա տեղակալ Արման Պետրոսյանն ասաց, թե Թովմասյանը գործուղման է։
