«Քրիստոնեա- Ժողովրդավարական» կուսակցության փոխնախագահ Հայկ Սուքիասյանը գրել է.
«Սահմանները երբեք հավերժ չեն. սա նկատի ունեցեք և դաջեք ձեր ուղեղներում և հոգիներում:
Պետությունը այնպիսի բան է, որը երբեմն կարող է իրականացնել իրադրային քաղաքականությունդրանից բխող տարբեր ելքերով: Հանկարծ չհանձնվեք ավանդական «հայկական» հուզականությանը երբեմն ներշնչված ռուսականությամբ, երբեմն խիստ «հայկական» ապաքաղաքական տափակ և կեղծ ազգայնական գավառամտությանը:
Մեզ հարկավոր է, օդ ու ջրի նման, ՊԵՏՈւԹՅՈւՆ:
Երբ ծնվեցի, ո՜չ հայր, ո՜չ մայր, Ա՜զատություն գրկեցի: Սա պետության անանց սահմանումն է:
Մի օր սահմանները փոխվելու են. որպեսզի դա լինի և լինի մեր հայրենիքի ընդլայնումով, մեզ պետություն է պետք:
Ես պահանջում եմ մեր ժողովրդից` լինել պետության հետ, պաշտպանել պետությունը (ինչ սահմաններով էլ որ լինի), չտրվել սին եզոպոսությանը և, և , և ոգիներդ տեղը պահեք, ամեն բան լավ է լինելու:
Հայ ժողովուրդը Աբդուլ Համիդ է տեսել, երիտ թուրք( կարող է նաև երիտ հայկական եսիմ ինչ) է տեսել, Լենին և հազար ու մի ճիվաղ:
Ու՞ր է Ցարական Ռուսաստան, ու՞ր է Բոլշևիկյան Ռուսաստանը, ու՞ր է Օսմանյան Ռուսաստանը, ու՞ր է Օսմանյան Թուրքիան. չկան: Հայաստանը կա և լինելու է:
Բայց ձեզնից պահանջ ունեմ. չլինել հուզական, չտրվել ներշնչած գավառամտությանը. մեզ պետք է պետության պաշտամունք:
Եվ դուք կհաղթեք»:
