ԿԳՄՍ նախարար Ժաննա Անդրեասյանն անդրադարձել է հանրակրթական դպրոցներում «Հայ եկեղեցու պատմություն» առարկան հանելու որոշմանը։ Նրա խոսքով՝ այդ հարցում իրենց դիրքորոշումը հստակ հայտնել են, երբ 2021թ. հաստատվեց հանրակրթության պետական չափորոշիչը. «Եկեղեցու կարծիքը, դիրքորոշումը գիտենք, դրան մեծ հարգանքով ենք վերաբերում։ Այնուհանդերձ, հանրակրթության չափորոշիչով ներկայացվող մանկավարժության մոտեցումը առանձին առարկաներից անցումն է դեպի ինտեգրված մոտեցմանը։ Կարևորը գիտելիքն է, որ լինի դպրոցներում։ Եկեղեցու պատմությունը մեր պատմության մասն է, գիտելիքը, արժեքները շարունակում են մնալ»։
Ըստ Անդրեասյանի՝ գիտելիքը տրվում է պատմություն առարկայի շրջանակներում, արժեքները՝ հասարակագիտություն առարկայի. «Մտավախությունները, որ ունի եկեղեցին, թե առանձին առարկա չունենալը կվտանգի կարևոր գիտելիքն ու արժեքները, մանկավարժական տեսանկյունից իզուր են»։
