Առողջապահության նախարար Անահիտ Ավանեսյանն ԱԺ-ում մանրամասներ է հայտնել հիվանդների հոսպիտալացման վերաբերյալ իր հրամանից։

Ըստ նախարարի՝ հոսպիտալացման ենթակա դեպքեր են լինում, հիվանդանոցը պետք է ընդունի երեխային. «Որևէ հրաման այս առումով չի փոխվել։ Բայց եթե բոլոր դեպքերում, երեխայի ջերմության ամեն բարձրացման պարագայում գնանք հոսպիտալացման, առողջական ցուցանիշների բարելավում չենք ունենա։ Դա ցույց է տալիս նաև միջազգային փորձը»։ 

Ավանեսյանը մանրամասնել է, որ հոսպիտալացումները բերում են նաև ներհիվանդանոցային վարակների կրկնակի ծանրաբեռնվածության, բերում են հավելյալ խնդիրների․ «Իմ հրամանը վերաբերում է նրան, որ հիվանդանոցը պետք է հոսպիտալացնի այն դեպքերում, երբ կա ցուցում երեխային շտապօգնության ծառայության միջոցով հոսպիտալացնելու։ Դա բեռի ավելացնում է, թե ոչ, կարևոր չէ. դա մեր պարտավորությունն է, և այդ ծառայությունը տրամադրվում է»,- ասել է Ավանեսյանը։