ԱԺ պատգամավոր Զարուհի Բաթոյանը գրել է.
«Լրատվական կայքերից մեկում հրապարակվել է տեսանյութ, որտեղ ըստ հրապարակման իրավապահ համակարգում աշխատող պաշտոնյան հյուրանոցներից մեկում ծեծի է ենթարկում 16-ամյա անչափահաս տղային:
Կայքի տեղեկացմամբ դեպքի առթիվ նախաձեռնվել է քրեական վարույթ:
Իրավապահ համակարգից ակնկալում եմ, որ գործի պատշաճ քննությունը կիրականցվի երեխայի լավագույն շահը հաշվի առնելով, և վտահ եմ, որ մեղավորները պատասխանատվություն կկրեն օրենքի առաջ:
Ի դեպ, տեսանյութում երևում է, թե ինչպես է մեկ այլ չափահաս և հասուն տղամարդ հետևում բռնությանը և որևէ կերպ չի միջամտում, որպեսզի կանխարգելի արարքը կամ պաշտպանի երեխային:
Բռնությունն անընդունելի և դատապարտելի է հատկապես երեխաների նկատմամբ: Դրա բացառման համար համակողմանի աշխատանք պետք է տանենք:
Անկախ այս դեպքից, հատուկ քննության առարկա պետք է դառնա նաև երեխաների աշխատանքը հանգստյան գոտիներում և հյուրանոցներում հատկապես ամառային ամիսներին և հատկապես Երևանից դուրս՝ մարզերում:»
Հիշեցնենք, որ այսօր հրապարակվել է տեսանյութ, որտեղ ըստ հրապարակման իրավապահ համակարգում աշխատող պաշտոնյան հյուրանոցներից մեկում ծեծի է ենթարկում 16-ամյա անչափահաս տղային:
