«Հայաստանում կոռուպցիա կա՞, թե՞ չկա։ Իհարկե, կա»,- ասաց հակակոռուպցիոն կոմիտեի նախագահ Սասուն Խաչատրյանը։
Նրա խոսքով՝ փոխվել է կոռուպցիոն դրսևորումների կառուցվածքը. «Երբ պարոն Քյարամյանը խոսում էր իրենց քննիչների կողմից որոշակի հանցագործություններ կատարելու, այդ հանցագործություններով քննության մասին, հենց նույն ՔԿ ղեկավարությունը, նախագահն իրենք են նախաձեռնող եղել, որ շարքերը մաքրվեն։ Նույնը ոստիկանության ծառայողների դեպքում է․ կան պաշտոնեական լիազորությունները չարաշահելու և կաշառք վերցնելու բազմաթիվ դեպքեր, ու նախաձեռնողը, օպերատիվ միջոցառման իրականացնողը եղել է ներքին անվտանգության վարչությունը։
Դեպք է առկա ՊԵԿ-ում, երբ նախաձեռնողը կրկին ներքին անվտանգության վարչությունն է եղել։ ՊՆ-ի հետ կապված մի քանի հրապարակում եղավ՝ կենտրոնական զինվորական հոսպիտալը, զինկոմիսարիատի աշխատակիցը, նաև՝ մենք, շատ ակտիվ համագործակցում ենք ՊՆ համապատասխան կառուցվածքների հետ»,- ասաց նա։
Ըստ Խաչատրյանի՝ նախկինում, երբ գերատեսչությունները փորձում էին իրենց ներքին շարքերում եղած արատավոր երեույթները թաքցնել, հիմա, ընդհակառակն, համագործակցում են. «Կոռուպցիայի հիերարխիկ, բրգաձև կառուցվածքն այսօր չկա»։
