Փաշինյանն ու Ալիևը կարճ հանդիպում են ունեցել Անկարայում

Հունիսի 3-ին Անկարայում Թուրքիայի նախագահ Ռեջեփ Թայիփ Էրդողանի երդմնակալության արարողությունից հետո Նիկոլ Փաշինյանը և Իլհամ Ալիևը «ոտքի վրա» կարճատև զրույց են ունեցել։

Այս մասին գրում է Ռիա նովոստին՝ հղում անելով թուրքական լրատվամիջոցներին։ Նշվում է, որ այդ ընթացքում նրանց մոտ է եղել Թուրքիայի նակին վարչապետ Բինալի Յիլդիրիմը։

CNN Türk հեռուստաալիքը ցուցադրել է համապատասխան լուսանկարը։ Սպուտնիկ Արմենիան հղում անելով TRT-ին, գրում է. «Ադրբեջանի և Հայաստանի ղեկավարները քննարկել են երկկողմ հարաբերությունների կարգավորման հարցեր և մտադիր են հաջորդ շաբաթ նոր հանդիպում կազմակերպել»: