ՀՀ էկոնոմիկայի նախարար Վահան Քերոբյանի գլխավորած պատվիրակությունը հունիսի 5-9-ը գործուղվել է Չինաստանի Ժողովրդական Հանրապետություն (Պեկին)՝ Առևտրատնտեսական հարցերով հայ-չինական համատեղ հանձնաժողովի 11-րդ նիստին մասնակցելու նպատակով։
Այցի շրջանակում հունիսի 5-ին Վահան Քերոբյանը հանդիպել է Hongfeng Heavy Industry Machinery ընկերության ղեկավարության հետ։ Այն խոշոր արդյունաբերական ընկերություն է, որը զբաղվում է շինարարական մեքենաների և գյուղատնտեսական սարքավորումների արտադրությամբ։
Ընկերության արտադրանքի հիմնական մասն արտահանվում է։ Հանդիպման ընթացքում Վահան Քերոբյանը ներկայացրել է Հայաստանում ստեղծված բարենպաստ ներդրումային միջավայրը, ինչպես նաև լիզինգի գործիքով իրականացվող ծրագրերը։
Քննարկվել են Հայաստանում գյուղտեխնիկայի և մեքենաշինական տեխնիկայի արտադրության հնարավորությունները։
