Սաուդյան Արաբիայում Իրանի դեսպանատունը վերաբացվել է յոթ տարի փակ մնալուց հետո

Սաուդյան Արաբիայի մայրաքաղաք Էր Ռիադում Իրանի դեսպանատունը յոթ տարի փակ լինելուց հետո այսօր վերաբացվել է։ Այս մասին հաղորդել է Al Arabiya-ն։

Al-Hadath TV-ի՝ Al Arabiya-ի գործընկեր հեռուստաալիքով հեռարձակված կադրերում երևում է, թե ինչպես է Իրանի դրոշը բարձրացվում Էր Ռիադում դեսպանատան շենքի մոտ՝ ուղեկցվելով Իրանի օրհներգի հնչյուններով:

Դեսպանատան վերաբացումը տեղի է ունեցել մարտին Սաուդյան Արաբիայի և Իրանի միջև Չինաստանի միջնորդությամբ ձեռք բերված համաձայնագրից հետո, որի նպատակն էր վերականգնել դիվանագիտական հարաբերությունները Թեհրանի և Էր-Ռիադի միջև յոթ տարի առանց որևէ պաշտոնական կապերի: 

Սաուդյան Արաբիան Իրանի հետ հարաբերությունները խզել է 2016 թվականին «Թեհրանում իր դեսպանատան և Մաշհադում հյուպատոսության վրա վարչակարգի կողմնակիցների հարձակումից հետո»: