Եվրամիությունը դիտարկում է 5G ցանցերում արդյունաբերական լրտեսության մեջ կասկածվող չինական Huawei ընկերության սարքավորումների օգտագործման ամբողջական արգելք մտցնելու հարցը։ Այս մասին չորեքշաբթի՝ հունիսի 7-ին, հայտնել է Financial Times-ը՝ վկայակոչելով անանուն պաշտոնյաներին։
Արգելքը, նույնիսկ եթե համաձայնեցվի, դժվար թե մտցվի մինչև 2024 թվականը, երբ կավարտվի Եվրախորհրդարանի ներկայիս կազմի պաշտոնավարման հնգամյա ժամկետը, գրում է FT-ն։ Եվրահանձնաժողովը հրաժարվել է մեկնաբանել արգելքի քննարկումը։
