ՀՀ քննչական կոմիտեում ՀՀ վարչապետի որդու՝ Աշոտ Փաշինյանին վրաերթի ենթարկելու գործով կա քննվող առանձին վարույթ։
Իրեն առևանգելու օրը Փաշինյանը դուրս էր նետվել մեքենայից, որից հետո «Տոյոտա քեմրի» մակնիշի մեքենան փորձել է վրաերթի ենթարկել։
Անդրադառնալով միջադեպի այդ դրվագին, Աշոտ Փաշինյանը նշել է. «Ես դրա մասով արդեն իսկ դիմել եմ։ Այս գործն անջատվել է մեծ գործից, որ նաև պարունակում է այդ հանգամանքը։ Ըստ էության այս պահին շարունակվում է գործի նախաքննությունը, և այս գործը (Գայանե Հակոբյանի մեղադրանքը,- խմբ.) անջատվել է վարույթից որպես առանձին գործ»։
Հիշեցնենք, Աշոտ Փաշինյանի առևանգման մեջ մեղադրվող Գայանե Հակոբյանն այսօր դատապարտվել է 4 տարվա պայմանական ազատազրկման, և ազատ արձակվել։
