Երկաթգծի վերահսկողությունը հայ-ռուսական երկկողմ, այլ ոչ թե եռակողմ օրակարգի հարց է. Գրիգորյան

ՀՀ փոխվարչապետ Sputnik Արմենիայի հետ հարցազրույցում գնահատել է եռակող՝ հայ-ռուս-ադրբեջանական հանձնաժողովի աշխատանքները և խոսել տարածաշրջանում հաղորդակցությունների ապաշրջափակումից։ Գրիգորյանը, մասնավորապես, պատասխանելով լրագրողի հարցին, ասել է.

«Ես ուզում եմ վստահ լինել, որ բոլոր կողմերը շահագրգռված են ապաշրջափակման հարցերի շուտափույթ լուծմամբ։ Նշանակություն ունի պայմանավորվածության բովանդակությունը, որ այն ֆունկցիոնալ և աշխատող լինի։ Սա ինքնուրույն հարց է՝ տնտեսական և տրանսպորտային կապերի ապաշրջափակում»։

Մեկնաբանելով 2020 թվականի նոյեմբերի 9-ի եռակողմ համաձայնագրի կետը, որտեղ ասվում է, որ Ադրբեջանի և Նախիջևանի միջև տրանսպորտային հաղորդակցության վերահսկողությունը պետք է իրականացվի Ռուսաստանի սահմանապահ ծառայության մարմինները, Գրիգորյանը նշեց, որ դա հայ-ռուսական երկկողմ, այլ ոչ թե եռակողմ օրակարգի հարց է։

Մհեր Գրիգորյանը նաև նշել է, որ ապաշրջափակման հարցն ուղիղ կապ չունի խաղաղության պայմանագրի ստորագրման հետ։ «Սա ինքնուրույն հարց է՝ տնտեսական և տրանսպորտային կապերի ապաշրջափակում»,- ասել է Գրիգորյանը։«Ես չեմ կարծում, որ մենք պետք է նման հարց քննարկենք եռակողմ օրակարգում։ Իսկ թե ինչ կլինի և ինչպես, դա առանձին հարց է», – ասել է Գրիգորյանը։ Այդ մասին հայտնում է Sputnik Արմենիան։