ԱԺ ՔՊ խմբակցության պատգամավոր Արման Եղոյանը լրագրողների հետ ճեպազրույցում անդրադարձել է ճանապարհների ապաշրջափակման թեմային։ «Հայաստանի իրավազորության տակ գործող, թե իրավազորությունից դուրս գործող ճանապարհ։ Մենք ասել ենք, որ Հայաստանի իրավազորությունից դուրս գործող ճանապարհներ երկրի տարածքում չեն լինելու»,- նշել է նա։
Անդրադառնալով այդ ճանապարհների ռուսական վերահսկողությանը՝ նա նշել է. «Հենց Մեղրիի մաքսակետում, Զվարթնոց օդակայանում կարող եք հանդիպել ռուսական համապատասխան ծառայության ներկայացուցիչների, բայց նրանք գործում են Հայաստանի իրավազորության ներքո։ Կարող է լինել հայ սահմանապահ։ Այստեղ մեխն այն է, որ ճանապարհը պետք է լինի մեր իրավազորության ներքո»։
