Այսօր Ազգային ժողովում լրագրողների դիտարկմանը, թե «Քաղաքացիական պայմանագիր» կուսակցության վարկանիշը, այնուամենայնիվ, ընկել է, ԱԺ նախագահ Ալեն Սիմոնյանը հիշեցրեց, որ ընդամենը մի քանի ամիս առաջ երկու խպոշորացված համայնքում ջախջախիչ հաղթանակ են տարել:
«Կարող է Երևանի կենտրոնում, տարբեր տեղերից եկած, մայրաքաղաքի էլիտար շենքերում մի քանի բնակարան գնած մարդիկ, որոնք նախկին իշխանության մաս էին կազմում, գժգոհ են, բայց ՀՀ ժողովուրդը մեզ հետ անմիջական կապի մեջ է, ու ես վստահ եմ, որ եթե եկող շաբաթ ընտրություն լինի, «Քաղաքացիական պայմանագիր» կուսակցությունն ավելի շատ ձայն կհավաքի, քան պատերազմից հետո: Մոռանում եք, որ պատերազմից հետո, որն ամենամեծ ցավն էր մեզ համար, 54 տոկոս ձայն հավաքեցինք, ո՞վ էր դրան հավատում»,- հակադարձեց նա:
ԱԺ խոսնակի խոսքով՝ այժմ տնտեսական աճ կա, ՀՀ իշխանությունը չի խառնվում որևիցե տնտեսվարողի գործունեությանը, մարդիկ գումար են աշխատում, և միակ խնդիրը, որ իր համար ամնակարևորն է, անվտանգությունն է, որի մասին, ըստ նրա, ասում էին՝ չի կարող այս իշխանությունը բանակցել: «Կարծես թե միջազգային առումով ընտրված իշխանությունը կարողանում է բավականին լավ բանակցել»,- ընդգծեց Սիմոնյանը:
