ՀՀ վարչապետի աշխատակազմի ղեկավարի տեղակալ Տարոն Չախոյանը «Ֆեյսբուք»-ի իր էջում անդրադարձել է Ադրբեջանի կողմից մի քանի օր իրականացվող սադրանքներին՝ ևս մեկ անգամ ընդգծելով ՀՀ կառավարության դիրքորոշումը, այն է՝ Հայաստանն իր սահմանած կարմիր գծերից չի հրաժարվելու:
«Ամենօրյա պարբերականությամբ սահմանին ադրբեջանական կողմի նախաձեռնած ու իրականացրած սադրանքները նպատակ են հետապնդում ձախողել բանակցային պրոցեսում ձեռք բերված պայմանավորվածություններն ու ուժի կիրառմամբ պայմաններ թելադրել հայկական կողմին։
Հայաստանը բանակցային պրոցեսում իր իսկ սահմանած կարմիր գծերից երբևէ չի հրաժարվել ու չի հրաժարվելու՝ անկախ Ադրբեջանի նախաձեռնած սադրանքներից»,- ընդգծել է Կառավարության անդամը:
