Առողջապահության նախարար Անահիտ Ավանեսյանն անդրադարձել է Արցախում ստեղծված հումանիտար ճգնաժամին, մասնավորապես, առողջապահական իրավիճակին։
Նրա խոսքով՝ նեղ մասնագիտացված բուժօգնության կարիք ունեցողների համար կրիտիկական վիճակ է ստեղծվել. «Որքան շրջափակումը շարունակվում է, այնքան դժվար է տարբերակել տեղափոխման խիստ կարիք ունեցող կամ առողջական լուրջ խնդիր ունեցողներին»,- ասել է նա։
Ըստ Ավանեսյանի՝ բոլոր աշխատանքներն ուղղված են Կոռնիձորում՝ Հակարիի կամրջի մոտ սպասող մարդասիրական բեռը տեղ հասցնելուն. «Որպեսզի կարողանանք ինչ-որ կերպ դրանք անցկացնել, կարողանանք խիստ կարիքը բավարարել»,- նշել է Ավանեսյանը։
Նա անդրադարձել է ԼՂ-ում դեղորայքային կարիքներին՝ մանրամասնելով, որ հումանիտար բեռում քրոնիկ հիվանդների համար նախատեսված դեղեր են, հակացնցումային, հակաբորբոքային, ամենօրյա օգտագործման դեղեր։ Բացի այդ՝ կան նաև մանկական կաթնախառնուրդներ։
Ավանեսյանը շեշտել է, որ օգտագործվում են բոլոր խողովակները՝ իրավիճակը միջազգային կառույցներին ներկայացնելու և լուծումներ գտնելու համար. «Փաստական տվյալները փոխանցում ենք և նկարագրում իրավիճակը՝ պահանջներ նաև դնելով միջազգային կառույցների առջև՝ իրենց մանդատի շրջանակներում։ Գիտեք՝ «Կարմիր խաչ»-ն ունի նման իրավիճակներում թե պացիենտների, թե հումանիտար բեռների տեղափոխման մանդատ, բայց հիմա նրանց աշխատանքներն էլ են պարալիզացված»։
Մոլդովայի Կենտրոնական ընտրական հանձնաժողովն ամփոփել է եվրահանրաքվեի քվեարկության արձանագրությունները: Ըստ այդմ, ընտրողների 50,28 տոկոսը «կողմ»…
ԱՄՆ նախագահի հատուկ օգնական, Ազգային անվտանգության խորհրդի՝ Եվրոպայի հարցով գլխավոր տնօրեն Մայքլ Քարփենթերը Բաքվում հանդիպել…
Դատավորի փոփոխության դեպքում հնարավորություն կստեղծվի շարունակել գործի քննությունը, կներդրվի սանկցիայի նոր տեսակ. Արմենուհի Հարությունյանն ԱԺ…
Իրանը ծանուցել է ՄԱԳԱՏԷ-ին Իսրայելի կողմից միջուկային օբյեկտներին ուղղված սպառնալիքների մասին. հայտնել է Իրանի ԱԳՆ…
Այսօր Ազգային ժողովում տեղի է ունեցել «Քաղաքացիական պայմանագիր» խմբակցության նիստ: Քննարկվել են հոկտեմբերի 22-ին մեկնարկող…
Ուկրաինային 400 մլն դոլարի սպառազինություն կտրամադրվի. Կիև կատարած այցի ժամանակ հայտարարել է ԱՄՆ պաշտպանության նախարար…