ՌԴ առաջարկը Ադրբեջանը մերժել է, ու ՌԴ-ն այլևս չի կարող պնդել այդ առաջարկը. Փաշինյան

Պրահայի համաձայնությունը ձեռք է բերվել այն բանից հետո, երբ արձանագրվել է, որ ՌԴ առաջարկը` Խովաևի պլանը, այլևս ակտուալ չէ. Հանրային հեռուստաընկերությանը տված հարցազրույցում ՀՀ վարչապետն ասաց, որ ՌԴ առաջարկը Ադրբեջանը մերժել է, ու ՌԴ–ն այդ մերժման բերումով այլևս չի կարող պնդել այդ առաջարկը։

Արցախն Ադրբեջանի մաս ճանաչելու իր քայլը Փաշինյանը մեկնաբանեց` ասելով, որ մինչ այդ ՌԴ–ն երկու անգամ պաշտոնապես հայտարարել էր, որ ԼՂ–ն միջազգայնորեն Ադրբեջանի տարածքային ամբողջականության շրջանակներում է։

Նրա խոսքով` Պրահայի և մնացած մյուս բոլոր պայմանավորվածությունները չեն չեղարկել 2020 թ. նոյեմբերի 9–ի եռակողմ հայտարարությամբ կողմերի վրա դրված պարտավորությունները։ Իր հերթին 2020 թ. հայտարարությունը չէր կարող չեղարկել 1991 թ. Ալմա Աթայի հռչակագիրը, որը ԱՊՀ բոլոր երկրների անկախությունների դե յուրե ճանաչումն է։