2023-09-25
Այստեղ եմ՝ վերահաստատելու ԱՄՆ ուժեղ աջակցությունն ու համագործակցությունը Հայաստանին. Սամանթա Փաուեր
ԱՄՆ Միջազգային զարգացման գործակալության տնօրեն Սամանթա Փաուերը տեղեկացնում է, որ Հայաստան է ժամանել՝ մեր երկրին ևս մեկ անգամ վերահաստատելու ԱՄՆ ամուր աջակցությունը։
«Երկրի ու տարածաշրջանի համար այս կարևոր պահին այստեղ եմ՝ վերահաստատելու ԱՄՆ ուժեղ աջակցությունն ու համագործակցությունը Հայաստանին և ուղղակիորեն խոսելու նրանց հետ, ովքեր տուժել են Լեռնային Ղարաբաղում հումանիտար ճգնաժամից»,- այս մասին «X»-ի իր միկրոբլոգում գրել է ԱՄՆ ՄԶԳ տնօրենը։
Նշենք, որ ԱՄՆ բարձրաստիճան պաշտոնյան Ծիծեռնակաբերդում հարգանքի տուրք է մատուցել Հայոց ցեղասպանության զոհերի հիշատակին։
Նմանատիպ Նյութեր