Առաջիկա օրերին կորոշվի Լեռնային Ղարաբաղի համար առաջարկվող միջազգային դիտորդական առաքելության ձևը։ Այս մասին լրագրողների հետ ճեպազրույցում հայտարարել է ԱՄՆ Պետդեպարտամենտի մամուլի ծառայության ղեկավար Մեթյու Միլլերը։
Նրա խոսքով՝ Վաշինգտոնը Բաքվի հետ Լեռնային Ղարաբաղի հարցով երկխոսության ժամանակ պնդում է հրադադարի պահպանման և հումանիտար խնդիրների լուծման կարևորությունը։
«Սա նշանակում է բաց պահել Լաչինի միջանցքը: Սա նշանակում է ապահովել մարդասիրական բեռների մատակարարումը: Եվ սա նշանակում է միջազգային դիտորդական առաքելություն՝ ապահովելու համար մարդասիրական կարիքների բավարարումը», – մանրամասնել է Միլլերը:
«Մենք ողջունել ենք Ադրբեջանի կառավարության հայտարարությունները, որ նրանք կողջունեն նման միջազգային դիտորդական առաքելությունը։
[ԱՄՆ պետքարտուղար Անտոնի Բլինքենը] ուղղակիորեն այդ հարցը դրել է [Ադրբեջանի նախագահ Իլհամ Ալիևի հետ հեռախոսազրույցի ընթացքում]։
Եվ մենք ուրախ ենք, որ նա [Ալիևը] համաձայնել է դրան։ Առաջիկա օրերին մենք կաշխատենք դաշնակիցների և գործընկերների հետ՝ հստակ որոշելու, թե ինչպիսին կլինի այս առաքելությունը»,- ասել է Միլլերը։
Բացի այդ, նա ընդգծել է, որ Միացյալ Նահանգները հանդես է գալիս Ադրբեջանի և Հայաստանի միջև խաղաղ բանակցությունների վերսկսման օգտին։
«Մենք ցանկանում ենք վերադարձ տեսնել բանակցային սեղան, որտեղ նրանք [Ադրբեջանը և Հայաստանը] կարող են հասնել արժանապատիվ և տևական խաղաղության»,- ասել է դիվանագետը։
ՌԴ նախագահի խոսնակ Դմիտրի Պեսկովը հայտարարել է, որ նախագահ Վլադիմիր Պուտինը նվերներ է պատրաստել Կազանում…
Հոկտեմբերի 22-ի ցերեկը և 23-ի գիշերը, 25-26-ի ցերեկը հանրապետության առանձին շրջաններում սպասվում է կարճատև անձրև։…
Հոկտեմբերի 21-ի երեկոյան սկսված եւ ամբողջ գիշեր տեղացած հորդառատ անձրեւը կաթվածահար է արել Բաքվի ներքաղաքային…
Երևանի քաղաքապետ Տիգրան Ավինյանը ֆեյսբուքի իր էջում գրել է. «Ամիսներ առաջ Ալեք Մանուկյան փողոցում փոխարինեցինք…
2024 թվականի սեպտեմբերի 18-ից հոկտեմբերը 1-ը կայացած Արժույթի միջազգային հիմնադրամի (ԱՄՀ) հայաստանյան առաքելության ու դրան…
Վրաստանի և Եվրամիության միջև ներկայիս հարաբերությունների մակարդակը գտնվում է պատմական մինիմումի վրա՝ հանրապետության իշխանությունների գործողությունների…