ԼՂ-ից բռնի տեղահանվածները փախստականի կարգավիճակ կստանան

Կառավարությունը հաստատեց Լեռնային Ղարաբաղից բռնի տեղահանված անձանց ժամանակավոր պաշտպանության տակ վերցնելու որոշման նախագիծը։

Արդարադառության նախարար Գրիգոր Մինասյանը նշեց, որ ժամանակավոր պաշտպանության տակ վերցված անձինք օրենքի ուժով դառնում են փախստական և օգտվում փախստականների համար նաև միջազգային կոնվենցիաներով նախատեսված իրավունքներից.

«Նախագծի ընդունումը հնարավորություն կտա ձեռնամուխ լինել նրանց իրավունքների և օրինական շահերի առավել արդյունավետ պաշտպանությանը»։

Փոխվարչապետ Տիգրան Խաչատրյանն էլ անդրադարձել է տեղահանվածների ֆինանսական աջակցության մեխանիզմներին, նաև՝ կենսաթոշակային իրավունքին.

«Այս որոշումն ընդունելուց և կարգավիճակը հստակեցվելուց հետո ԼՂ-ից բռնի տեղահանվածները, որ կցանկանան կենսաթոշակային իրավունքները համապատասխանեցնել Հայաստանում օրենքով սահմանված մեխանիզմներին, կարող են դիմել քաղաքացիության համար, ստանալ հաստատումներ»,- ասել է նա։

Ըստ Խաչատրյանի՝ կենսաթոշակային տարիքի ոչ մի մարդ չի մնացել առանց ֆինանսական համարժեք ապահովման։