Երասխի մետալուրգիական գործարանի կառուցման աշխատանքները շարունակվում են այլ հատվածում

Երասխի մետալուրգիական գործարանի կառուցման աշխատանքները շարունակվում են, լրագրողների հետ զրույցում ասաց ՀՀ էկոնոմիկայի նախարար Վահան Քերոբյանը:

«Այն իրագործման ընթացքում է», – ասաց նա:

Նախարարի խոսքով, սակայն, գործարանը կլինի ոչ թե Երասխում, այլ` մոտակայքում: Թե կոնկրետ ո՞ր վայրում` ասաց` մոտակայքում:

Հարցին` սա չի՞ նշանակում, որ հայկական կողմը տուրք է տալիս Ադրբեջանի սպառնալիքին` Քերոբյանը նշեց, որ գործ ունենք մասնավոր ներդրումներ իրականացնող ընկերությունների հետ ու իրենք են որոշում իրենց հետագա անելիքները:

«Մենք, հաշվի առնելով մեր աշխարհագրական ու տարածաշրջանային միջավայրը, փորձում ենք իրենց մաքսիմալ օգտակար լինել», – նշեց նա:

Նախարարն ասաց, թե տարբեր ներդրողներ հապաղում են ներդրումներ սկսել Հայաստանում, դրա համար է, որ վարչապետ Նիկոլ Փաշինյանը նշում է` խաղաղությունն էական նշանակություն ունի մեր ներդրումային միջավայրի համար: