Ռուսաստանը շարունակում է պաշտոնական հռետորաբանությամբ և գործողություններով հեղինակազրկել Արևմուտքի միջնորդությունը հայ-ադրբեջանական բանակցային գործընթացում։
«Արևմուտքը հրահրում է իրավիճակի դեգրադացիա Հարավային Կովկասում»․ հայտարարել է ՌԴ անվտանգության խորհրդի քարտուղար Նիկոլայ Պատրուշևը։
«Մենք շահագրգռված ենք նաև Հարավային Կովկասի իրավիճակի կայունացմամբ, դրա զարգացման համար պայմաններ ստեղծելով և փոխվստահության ու համագործակցության ամրապնդմամբ։ Այդ նպատակով Ռուսաստանը հետևողական քայլեր է ձեռնարկում հայ-ադրբեջանական հարաբերությունների համապարփակ կարգավորման ուղղությամբ՝ ի շահ խաղաղության․ երկրների միջև պայմանագիր, սահմանազատում, տրանսպորտային հաղորդակցության բացում և այլն»,- ասել է Պատրուշևը՝ Մոսկվայում ԱՊՀ անվտանգության խորհրդի քարտուղարների հանդիպմանը։
Պաշտոնական Մոսկվան իհարկե չի նշում, որ իր հետևողական քայլերը միտված են բացառապես իրենց շահերով, որոնք նրանք կառուցում են Ադրբեջանի հետ տանդեմով՝ ռուս-ադրբեջանական համատեղ օրակարգը սպասարկելով Հայաստանի շահերի հաշվին։
Այս հարցի կապակցությամբ պաշտոնական Երևանը բազմիցս հայտարարել է, որ գործընթացում կարևորում է ոչ թե հանդիպման վայրը և միջնորդական կողմը, այլ այն հիմքերն ու երաշխավորությունը, որն իրականություն կդարձնի ձեռք բերված պայմանավորվածությունները։
Հատկանշական է, որ Ռուսաստանն Արևմտյան միջնորդությունն արժեզրկելու փոխարեն պետք է հետևողական լինի հենց ա՛յս շեշտադրման վրա․ փաստ է, որ Ռուսաստանի միջնորդությամբ ստորագրված փաստաթղթերն այլևս առոչինչ են, ձեռք բերված համաձայնությունները՝ վիժեցված։
Ռուսաստանի կողմից Արևմուտքին ոչ հասցեական մեղադրանքների հռետորաբանությունը պահպանվում է անգամ հենց նախագահ Պուտինի կողմից։ Վերոնշյալ՝ ԱՊՀ անվտանգության խորհրդի քարտուղարների հանդիպմանը վերջինս հայտարարել է․
«Որոշ երկրների գործողություններն ուղղակիորեն ուղղված են ԱՊՀ երկրներում օրինական իշխանությունը, սոցիալական կայունությունը և ավանդական արժեքները խաթարելուն, մեր ավանդական սերտ առևտրային, համագործակցության և մշակութային կապերը խախտելուն»։
Ռուսաստանն անում է ամեն ինչ՝ տարածաշրջանում մենաշնորհային ազդեցության պահպանման համար, մինչդեռ փոխվող աշխարհակարգում ավելի կենսունակ են լինելու լեգիտիմ իշխանություն ունեցող երկրներն ու կառավարությունները։ Գոյաբանական պայքարում Հայաստանի Հանրապետության լինելության գրավականը շարունակում է մնալ լեգիտիմ իշխանությունը՝ օրեցօր կայացման և հզորացման հրամայականով։
Նվարդ Մելիքյան
Բելառուսի նախագահ Ալեքսանդր Լուկաշենկոն հայտարարել է, որ կմասնակցի 2025 թվականի նախագահական ընտրություններին։ «Այո՛, Օլյա, կգնամ»,-…
ՀՀ վարչապետ Նիկոլ Փաշինյանն ԱԺ-կառավարություն հարցուպատասխանի ժամանակ անդրադարձել է սահմանազատման գործընթացին․ «Հանձնաժողովների կանոնակարգում սահմանված է…
Վարչապետ Նիկոլ Փաշինյանի գլխավորությամբ տեղի է ունեցել խորհրդակցություն, որի ընթացքում քննարկվել է Կառավարության «300 դպրոց,…
Փոխվարչապետ Մհեր Գրիգորյանն ընդունել է ԱՄՆ Միջազգային զարգացման ֆինանսական կորպորացիայի (DFC) գործադիր տնօրենի տեղակալ Նիշա…
ԱԺ ՔՊ խմբակցության պատգամավոր, առողջապահության նախկին նախարար Արսեն Թորոսյանը, դիմելով «Հայաստան» խմբակցությունից Արծվիկ Մինասյանին, կոչ…
Ազգային ժողովն այսօր փակ-գաղտնի քվեարկությամբ Վիգեն Քոչարյանին ընտրել է Վճռաբեկ դատարանի քաղաքացիական պալատի դատավոր, իսկ…