Վարչապետն ընդունել է Ընդդեմ կանանց նկատմամբ բռնության կոալիցիայի անդամ ՀԿ-ների ներկայացուցիչներին

Վարչապետ Նիկոլ Փաշինյանն ընդունել է Ընդդեմ կանանց նկատմամբ բռնության կոալիցիայի անդամ հասարակական կազմակերպությունների ներկայացուցիչներին:

Վարչապետը ողջունել է ներկաներին և կարևորել կանանց նկատմամբ բռնության հետ կապված խնդրի քննարկումը:

Նիկոլ Փաշինյանն ընդգծել է, որ հարցը ՀՀ կառավարության համար կարևոր է մի քանի պատճառներով, ընդ որում, թվարկման հերթականությունը չպիտի ընկալվի որպես հիշատակում ըստ կարևորության:

«Կանանց նկատմամբ բռնությունն առանցքային խոչընդոտներից է` նրանց տնտեսական և հանրային ակտիվությունն ապահովելու գործում:

Ընդդեմ կանանց նկատմամբ բռնության կոալիցիայի անդամ հասարակական կազմակերպությունների ներկայացուցիչների հետ քննարկեցինք առկա խնդիրներն ու դրանց լուծման քայլերը»,-այս մասին գրել է Նիկոլ Փաշինյանը։