Ով «Զանգեզուրի միջանցք» արտահայտություն կգտնի Նոյեմբերի 9-ի հայտարարության մեջ, խոստանում եմ դրամական պարգև

Նիկոլ Փաշինյանը ելույթ է ունեցել «Քաղաքացիական պայմանագիր» կուսակցության նախաձեռնող խմբի նիստին, որն անցկացվել է Գավառ քաղաքում:

«Վերջին օրերին Բաքվից հնչող հայտարարությունները համարում եմ լրջագույն հարված խաղաղության գործընթացին»,- ասել է նա՝ հավելելով՝ սահմաների սահմանազատման գործընթացը սահման ստեղծելու մասին չէ, այլ մեր դելիմիտացիայի հանձնաժողովները պետք է վերաարտահատեն այն սահմանները, որոնք եղել են Ալմաթի հռչակագիրն ընդունելու պահին:

«Ադրբեջանը փորձում է տարածքային պահանջներ գեներացնել ՀՀ նկատմամբ, ինչը բացարձակապես անընդունելի է, ասաց Նիկոլ Փաշինյանը:

Վերջինիս խոսքով՝ Ադրբեջանն արդեն երեք տարի Զանգեզուրի միջանցքի վերաբերյալ խոսույթ է զարգացնում՝ հղում անելով նոյեմբերի 9-ի եռակողմ հայտարարությանը:

«Ով «Զանգեզուրի միջանցք» արտահայտություն կգտնի այդ հայտարարության մեջ, խոստանում եմ դրամական պարգև»,- ասաց Նիկոլ Փաշինյանը: