Փետրվարի 4-ը Քաղցկեղի դեմ պայքարի համաշխարհային օրն է:
ՀՀ առողջապահության նախարարությունը հայտնել է, որ Քաղցկեղի դեմ պայքարի համաշխարհային օրվա այս տարվա կարգախոսն է. «Շտկել բուժօգնության բացերը» (Close the care gap):
ԱՀԿ-ի տվյալներով՝ աշխարհում տարեկան արձանագրվում է քաղցկեղի շուրջ 19,3 մլն նոր դեպք, իսկ մահացության դեպքերը հասնում են 10 միլիոնի:
Հայաստանում տարեկան նոր դեպքերը միջինում կազմում են 8143:
Վիճակագրական տվյալներով` տղամարդկանց շրջանում առավել տարածված են շնչափողի, բրոնխների, թոքի, լյարդի, միզապարկի և շագանակագեղձի, իսկ կանանց շրջանում` կրծքագեղձի, արգանդի մարմնի և պարանոցի, իսկ վերջին տարիներին թե՛ տղամարդկանց, թե՛ կանանց շրջանում ստամոքսի և կոլոռեկտալ քաղցկեղների դեպքերի աճի միտում է գրանցվել:
