Կդիմանա՞ ՆԱՏՕ-ն, եթե ԱՄՆ նախագահ ընտրվի Թրամփը

ՆԱՏՕ-ի երկրները, այդ թվում՝ Գերմանիան սկսել են ոչ պաշտոնապես քննարկել՝ կկարողանա՞ դաշինքը գոյատևել, եթե ԱՄՆ նախագահ դառնա Դոնալդ Թրամփը, ըստ Radar Armenia-ի` գրել է The New York Times-ը: 

Պարբերականը նաև գրել է, որ Գերմանիայի իշխանական շրջանակներում տպավորություն է ստեղծվել, որ ՆԱՏՕ-ի փլուզումը «լավագույն ռազմավարական արդյունքը» կլինի Ռուսաստանի համար՝ Ուկրաինայում հակամարտության ֆոնին: 

Politico թերթի տվյալներով՝ ավելի վաղ Թրամփն ասել էր, որ «ՆԱՏՕ-ն մեռած է», և «ԱՄՆ-ն դուրս կգա դաշինքից»:

ՆԱՏՕ-ի գլխավոր քարտուղար Յենս Ստոլտենբերգն իր հերթին պնդել է, որ Միացյալ Նահանգները դուրս չի գա դաշինքից՝ անկախ նախագահական ընտրությունների ելքից: