2024-02-05
Փոփոխություններ մարզական ֆեդերացիաների ֆինանսավորման կարգը հաշվարկող հանձնաժողովի գործունեության կարգում
Հայաստանի կրթության, գիտության, մշակույթի և սպորտի նախարարի հրամանով նոր խմբագրությամբ է շարադրվել 2017 թ. հուլիսի 24-ի «Հայաստանի Հանրապետության պետական բյուջեից Հայաստանի Հանրապետության մարզաձևերի ֆեդերացիաներին ֆինանսական աջակցության չափի հաշվարկման կարգը, ֆինանսական աջակցության չափը հաշվարկող հանձնաժողովի կազմը և գործունեության կարգը»:
Փոփոխությունների մասին հաղորդագրությունը տարածել է ՀՀ կրթության, գիտության, մշակույթի և սպորտի նախարարությունը։
Ըստ նոր փոփոխությունների՝ մարզաձևերի ֆեդերացիաները բաժանվում են հաշվարկման պայմանական երեք խմբերի՝
3-րդ՝ ծրագրային խմբի մարզաձևերի ֆեդերացիաները մինչև 2024 թվականի փետրվարի 10-ը ՀՀ ԿԳՄՍ նախարարություն պետք է ներկայացնեն մարզաձևի 2024 թվականի ծրագրային փաթեթը, որը կներառի ինչպես միջոցառումների օրացուցային պլանը, այնպես էլ նախահաշիվները:
Ֆինանսական աջակցություն հատկացվում է այն ֆեդերացիաներին, որոնք միջազգային պաշտոնական միջոցառումներում (օլիմպիական խաղեր, աշխարհի և Եվրոպայի առաջնություններ, շախմատային համաշխարհային օլիմպիադա, համաշխարհային ուսանողական խաղեր, պատանեկան օլիմպիական խաղեր և այլն) նվաճել են բարձր արդյունքներ, և (կամ) ապահովված են բարձր որակավորում ունեցող մարզիչներով, և (կամ) ունեն մարզաձևի զարգացման համար համապատասխան մարզաբազաներ, և (կամ) մարզական ավանդույթներ։
Հատկացվող ֆինանսական միջոցները պետք է բացառապես ուղղվեն ՀՀ առաջնություններին և միջազգային միջոցառումներին մասնակցության ապահովման համար մարզիկների նախապատրաստմանը, ՀՀ առաջնություններին և միջազգային միջոցառումների անցկացմանը և (կամ) դրանց մասնակցությանը:
Նմանատիպ Նյութեր