Վրաստանը տուրիզմից 4,1 մլրդ դոլար եկամուտ է ստացել

«2023թ․ միջազգային զբոսաշրջությունից ստացված եկամուտները գերազանցել են 2019թ․ մակարդակը 26,2%-ով (856,7 մլն դոլար), իսկ 2022թ․ տվյալները՝ 17,3%-ով (608,7 մլն դոլար)», – հայտնել է Վրաստանի զբոսաշրջության ազգային վարչությունը։

Գերատեսչության հաղորդմամբ՝ Վրաստանը ռեկորդային 4,1 մլրդ դոլարի եկամուտ է ստացել։ Զբոսաշրջային ուղևորություններից ստացված եկամուտը 2023թ․ չորրորդ եռամսյակում կազմել է 873,67 մլն դոլար։