Չիպավորված պացիենտը մտքի ուժով տեղաշարժում է մկնիկը

Առաջին պացիենտը, որի գլխուղեղում անցյալ ամիս Neuralink-ի չիպ է տեղադրվել, լիովին ապաքինվել է և այժմ կարողանում է համակարգչային մկնիկը կառավարել իր մտքերի միջոցով․ երկուշաբթի ուշ երեկոյան հայտնել Է Իլոն Մասկը: 

Հիշեցնենք, որ Մասկը Neurolink-ի հիմնադիրն է։

Ըստ Reuters-ի, «X» սոցիալական մեդիա հարթակում «Spaces» միջոցառման ժամանակ Մասկն ասել է. «Առաջընթացը լավ է, և պացիենտի նյարդային էֆեկտները, կարծես, լիովին ապաքինվել են: Նա կարողանում է մկնիկը էկրանին տեղաշարժել հենց մտքի ուժով»:

Մասկն ասել է նաև, որ ձգտում են հնարավորինս շատ ազդակներ ստանալ հիվանդից։