Նախկին նախարար Վերմիշյանն ազատ է արձակվել

Փաստաբան Ալեքսանդր Կոչուբաևն իր ֆեյսբուքյան էջում գրել է.

«Այսօր 4 տարի և 1 ամիս անօրինական կալանքից հետո ՀՀ Քաղաքաշինության կոմիտեի նախագահ Վահագն Վանիկի Վերմիշյանը ազատ կարձակվի»:

Հակակոռուպցիոն վերաքննիչ դատարանը բավարարել է կալանավորման փոփոխության միջնորդությունը:

Հիշեցնենք, որ 2020-ի փետրվարին Վերմիշյանն ազատվեց Քաղաքաշինության կոմիտեի նախագահի պաշտոնից, որը զբաղեցնում էր 2019-ի մարտից։

Մինչ պաշտոնից ազատվելը նա ձերբակալվել էր առանձնապես խոշոր չափի կաշառք ստանալու մեղադրանքով։

2023-ին Վերմիշյանը դատապարտվել էր ութ տարվա ազատազրկման։