Կրեմլը կպարզաբանի ՀԱՊԿ-ին ՀՀ-ի անդամակցության հետ կապված իրավիճակը. Պեսկով

«Մոսկվան կշարունակի կապը Երևանի հետ և կպարզաբանի իրավիճակը՝ ՀԱՊԿ–ին իր հետագա անդամակցության հետ կապված»․ լրագրողներին ասել է ՌԴ նախագահի մամուլի քարտուղար Դմիտրի Պեսկովը։ Պեսկովն անդրադարձել է ՀԱՊԿ-ում անդամակցությունը սառեցնելու՝ Փաշինյանի հայտարարություններին։

«Իհարկե, մենք լսել ենք այդ հայտարարությունները, իհարկե, դեռ շատ աշխատանք կա առջևում, մեզ անհրաժեշտ են շփումներ և՛ ՀԱՊԿ-ի շրջանակներում, և՛ երկկողմ մակարդակով մեր հայ գործընկերների հետ, մենք կպարզաբանենք և կխոսենք՝ համաձայն հայտարարությունների»,- ասել է Պեսկովը։

Հարցին, թե ինչպես են ՀԱՊԿ-ում վերաբերում Փաշինյանի այդ հայտարարություններին, Պեսկովը չի պատասխանել՝ մատնանշելով բուն ձևակերպման ոչ տեղին լինելը․

«Դա պետք է հարցնել ՀԱՊԿ-ին, մենք չենք կարող խոսել ՀԱՊԿ-ի անունից»,- նշել է ՌԴ նախագահի մամուլի քարտուղարը։